SIGLUM UM, SKÍÐUM OG SKOÐUM SUÐURSKAUTSLANDIÐ
Þessi 13 daga, 12 nátta leiðangur samanstendur af áhugasömu fólki allstaðar að með eitt sameiginlegt markið, að komast á og skoða Suðurskautslandið. Þó að markmiðið sé það sama þá er fólk samankomið með mismunandi áætlanir, sumir vilja bara skoða dýralífið, aðrir vilja róa kayak og enn aðrir sigla um á zodiac með náttúrufræðing eða sagnfræðing með í för sem leiðsegir mannskapnum. Við ætlum okkur hinsvegar að gera allt sem í boði er með forgang á fjallaskíðun.
Við hittumst í Ushuaia, fyrsta kvöldið fer í afslöppun og við byrjum ferðina og fyrsta fulla daginn auðvitað á að fara á skíði. Frá miðborginni er um 15 mínútna akstur upp í Martial en hér nýtum við tækifærið og förum yfir ferðatilhögun og björgun á jöklum ásamt yfirferð á notkun snjóflóðabúnaðar og ljúkum deginum á að skíða niður Martial jökulinn. Við ferðumst mest 5 saman í línu, 4 gestir og 1 leiðsögumaður, svo ef hópurinn er stærri en það munum við hafa aðstoðarleiðsögumann meðferðis.
Nú ættu allir að vera þæginlega þreyttir og aðlagaðir að tímanum að mestu leiti, við tekur smá hóphristingur, kvöldverður og góður nætursvefn. Að morgni dags flytjum við farangurinn niður á höfn og fljótlega hefjum við siglinguna suður á bóginn.
Siglingin suður kallast einu nafni "Drake passage" og þó Sir Francis Drake sem siglingaleiðin er skýrð eftir hafi aldrei siglt leiðina sjálfur þá var það eitt af skipum hans sem uppgötvaði tengingu milli Atlandshafsins og Kyrrahafsins á sínum tíma og hélst nafnið. Ferðalagið niður á skagann tekur 3 daga og gefst nægur tími til að kynnast, lesa, hugsa og fræðast á meðan á siglingunni stendur. Fræðimenn og áhafnarmeðlimir ásamt leiðsögumönnum halda fyrirlestra og úti flýgur Albatrosinn á meðan háhyrningar og aðrir hvalir sigla allt í kring í ætisleit.
Þegar komið er að norðurhluta suðurskauts skagans fara leiðsögumenn í land og undirbúa lendingastaði fyrir bátana og gestir gera sig klára í að fara í land, framundan eru okkar fyrstu skref og beygjur á suðurskautslandinu. Hér eru ótal möguleikar í boði og brekkur við allra hæfi. Markmið eru valin eftir getu hvers hóps, veðri og aðstæðum hverju sinni. Hver dagur er misjafn þar sem bróðurpartur hvers dags fer í skíðun en á hverjum stað fyrir sig leynist eitthvað áhugavert sem vert er að skoða hvort sem það er mörgæsa nýlendur, rannsóknastöðvar, gamlar hvalveiðistöðvar eða annað. VIð höldum siglunni áfram suður næstu tvo daga í leit að skíðaleiðum og áfangastöðum eins langt og hafísinn leyfir áður en við snúum stefni til norðurs á ný og heim á leið.
Fjöldi skíðadaga á suðurskautslandi eru 6-7. Mikilvægt er að hafa í huga að allar ferðir um suðurskautið geta tafist eða breyst vegna aðstæðna eða veðurs og ákveðinn sveigjanleiki er því nauðsynlegur þegar flug eru bókuð til og frá Argentínu.
Dagsetningar & Verð
Dagsetningar: 27 október - 8 nóvember 2025
Öll verð eru í USD og miðast við einn í tveggja manna herbergi fyrir utan eins manns herbergið "Single porthole". Heildarverð fæst við samanlagt verð á herbergi og verði á afþreyingu. Herbergi er hægt að skoða neðar á síðunni í upplýsingum um skipið.
Herbergi:
Main Deck Balcony: $14,995
French Balcony: $13,995 á mann
Balcony Stateroom: $16,995 á mann
Balcony Suite: $18,995 á mann
Junior Balcony Suite: Uppselt
Premium Balcony Suite: $22,995 á mann
Afþreyingarmöguleikar:
Fjallaskíðun - $2,300 á mann
Sjókayak - $800 á mann
Snjóþrúgu og gönguferðir - $1000 á mann
Innifalið
- 1 nótt fyrir siglingu á hóteli í Ushuaia, Argentínu. Innifalið með herberginu er morgunmatur og einn sameiginlegur kvöldverður.
- Flutningur upp til Martial í jökla- og sprungubjörgunarþjálfun.
- Flutningur til/frá hóteli á og frá höfninni í upphafi og enda siglingar.
- 9 dagar um borð í skipinu.
- Allar máltíðir og fjögra rétta kvöldverðir.
- Fyrsta flokks þjónusta áhafnar.
- Zodiac siglingar í og eftir skíðun og skoðunarferðir.
- Afnot af heitum pottum á þilfari og öllum þægindum um borð.
- Fyrirlestrar sérfræðinga um borð.
- Í lok siglingar fá allir ferðalangar skírteini að hafa komið á suðurskautsland ásamt öllum myndum úr ferðinni.
- Afnot af vetrarstígvélum fyrir allar gönguferðir í landi.
Ekki innifalið
- Flug til og frá Ushuaia.
- Vegabréfsáritanir og annar tilfallandi kostnaður við ferðalög til og frá Ushuaia.
- Skíðabúnaður.
- Matur í Ushuaia fyrir og eftir ferð fyrir utan morgunmat á hóteli og sameiginlegan kvöldverð fyrir brottför.
- Ferða- og slysatryggingar (það eru allir farþegar skyldugir til að vera með björgunartryggingar sem tryggja brottflutning vegna slysa og mögulegra heilsuvandamála)
- Kostnaður vegna farangurskostnaðar til og frá Ushuaia.
- Um borð er í boði þvottaþjónusta sem er ekki innifalið í verði.
- Allur kostnaður á barnum.
- Notkun á gervihnattasíma og interneti.
- Þjórfé í lok ferðar.
FERÐAÁÆTLUN
Athugið að hér er eingöngu um grófa dagskrá að ræða og aðstæður og veðurfar mun líklega hafa áhrif dag frá degi.
DAGUR 1
Komudagur til Ushuaia Argentínu. Haldið upp í Martial þar sem farið verður í sprungubjörgun og almenna ferðatilhögun á jöklum í línu. Hópurinn hittist á barnum um kvöldið og kynnist.
DAGUR 2
Allir um borð! Dagurinn fer í að koma sér fyrir um borð, fræðast um neyðaráætlun um borð og skoða sig um áður en haldið er af stað niður Beagle sundið.
DAGUR 3
Siglum yfir hið fræga Drake sund. Yfirferðin á Drake hefur upp á margt að bjóða, hér synda búrhvalir, hnúfubakar, langreyðar og háhyrningar meðal annara og albatrosinn svífur yfir og fylgir okkur suður á bóginn.
DAGUR 4
Áfram yfir Drake sundið og ef vel gengur að þá er möguleiki á að við náum landi seinnipartinn og mögulega komumst á skíði.
DAGAR 5&6
Fyrstu skíðadagarnir okkar á sjöundu heimsálfunni! Það fer eftir aðstæðum hverju sinni hvar við náum fyrst landi.
DAGUR 7
Hér komum við til Neko hafnar eða Anvers og Wenke eyju þar sem nóg er af tindum ásamt mörgæsum og öðru framandi dýralífi til skoðunar.
DAGUR 8
Lending út af Ronge eða Mt. Britannia. Georges Point skoðað og skíðað í nágrenni við Paradise Bay.
DAGUR 9
Lemaire sundið er stórfenglegt. Skíðaður er fallegur tindur með ólýsanlegt útsýni yfir sundið og möguleiki að skoða Úkraenska rannsóknarstöð.
DAGUR 10
Siglingin heldur áfram og við lendum við Charlotte Bay. Fjöldinn allur af skíðamöguleikum í boði.
DAGAR 11&12
Siglingin Norður hefst en á leiðinni horfir maður öðrum augum á hvítu heimsálfuna og sér jafnvel glitta í skíðalínurnar okkar á meðan við dreymum um alla þá tinda sem eftir eru óskíðaðir. Hér gefst okkur líka tækifæri til að synda í suðurskautshafi áður en haldið er út á opið hafið heim á leið.
DAGUR 13
Um miðjan dag er komið í höfn í Ushuaia og hefst ferðalagið heim á leið eða á vit næstu ævintýra.
UPPLÝSINGAR UM SKIPIÐ
Ocean Albatros
Ocean Albatros er lúxus í einu orði sagt og öll aðstaða framar væntingum. Herbergin eru stór og þægileg með einka baðherbergi, sturtu og glugga til að njóta útsýnisins alla ferðina. Skipið rúmar 189 gesti og er með 144 manna áhöfn, hér er líkamsræktarsalur og tveir heitir pottar á þilfarinu. Þæginleg setustofa og bókasafn til afnota alla ferðina.
Matur
Borðstofan er umkringd gluggum til allra átta og áhöfnin sér til þess að þjóna til borðs kræsingum af bestu sort. Í borðstofunni er boðið upp á snarl og heita drykki allan sólarhringinn og barinn er opinn fram á kvöld. Morgun- og hádegismatur er hlaðborð en kvöldmaturinn er diskaður og fjögra rétta og hægt að sníða að þörfum hvort sem er um mataróþol, venjur eða ofnæmi er að ræða.
Herbergi
Vinsamlega skoðið pdf skjalið í hlekknum til að skoða og velja herbergi.
