Síðastliðin 25 ár hafa Bergmenn sérhæft sig í fjallaskíðaferðum á Tröllaskaga og nú í dag er svo komið að Tröllaskaginn er orðin heimsþekktur viðkomustaður fjallaskíðafólks víðsvegar að úr heiminum. En Bergmenn bjóða einnig uppá skipulagðar þyrluskíðaferðir á Tröllaskaganum undir merkjum Arctic Heli Skiing þar sem tækifærin til skíðunnar eru ótæmandi með hundruðum brekkna með fallhæð allt að 1500m sem er eins gott og það gerist á heimsvísu.

Skíðasvæðið sem opnast með aðstoð þyrlunnar er gríðarlega umfangsmikið eða tæpir 4000 ferkílómetrar beggja vegna Eyjafjarðar þar sem allar tegundir skíðabrekkna er að finna, allt frá bröttustu giljum til víðáttumikilla hvilftarjökla sem þýðir að allt skíðafólk finnur eitthvað við sitt hæfi. Það að skíða af hæstu tindum Tröllaskagans alveg niður í svartar sandfjörur í miðnætursól er einstök upplifun sem enginn má missa af að prófa þótt ekki sé nema einu sinni á lífsleiðinni. Skoðaðu frábærar myndir og video eða lestu greinar um þetta stórkostlega ævintýri hér.

Við byrjum að skíða á Tröllaskaganum um miðjan febrúar og vertíðin endist fram í lok júní í venjulegu ári með almennt frábæru vorskíðafæri og heilbrigðum fjölda púðurdaga. Vegna þess að Tröllaskaginn er strandfjallgarður eru snjóalög þar þykk og að sama skapi stöðug hvað varðar snjóflóðahættu þegar líða tekur á vorið. Þetta þýðir að við getum skíðað brattari brekkur en gengur og gerist í þyrluskíðamennsku annarsstaðar í heiminum. Veðurfar á Tröllaskaga í apríl og maí er tiltölulega stöðugt á Íslenskan mælikvarða með löngum stillum og sólríkum dögum. Þótt að það geti gert slæm veður að þá vara þau yfirleitt ekki lengi og með löngum dögum vorsins er hægt að skíða nánast 24 tíma á sólarhring.

Allar frekari upplýsingar um þyrluskíðaferðir bjóðum við þér að skoða á heimasíðu okkar Arctic Heli Skiing